قصيـدة بدر الخأأأأأألدي((الذيـب))<<لي لابتن مجد العرب وارثينهـ<<يالبيهـ...

الســلأأأأأأأأأأأأأأأأأأأم عليـــكــــــــــــم..
اليوم جبت لــكم قصيدة الذيب بدر الخـأأألدي,,,,

الدلـه اللـي غيثـهـا بالفناجـيـل
تشوقنـي شـوق الظنيـن لظنينـه
فنجالهـا لاسيـق وبهارهـا هـيـل
شرابهـا يعـزم عـزوم(ن) ضمينـه
إليـا عـزم لطويـق مـارده الليـل
يخايـل القمـه وبـاسـه يعيـنـه
كنه يشـوف القمـه بعيـن دربيـل
وعزمه على المرقـا مـلا راحتينـه
يحـرم علـي فنجالهـا يارياجـيـل
أن كان ما اذهلـت العقـول الذهينـه
بتركيبـت الفكـره وبـدع التماثيـل
ونزف الهجوس اللي حباله رصينـه
وبالخافق اللي تبتـرم بـه محاحيـل
اللي يعـزم المـوت ساعـة حنينـه
ولاحن للعليا فـي امـوري تساهيـل
تبرى النفـوس البايسـات الحزينـه
وفي الماقف الغصاب ياحط يا شيـل
وكلـن يدسـم شاربـه مـن يمينـه
جملنـي الله كـل ماساللـي سـيـل
في ناظر اللي مـن ضمـا مرتوينـه
ماجيت من ديرت هل السيف والخيـل
من دار اخو نـوره زبـون السمينـه
الا وانا عيني على الجـدي وسهيـل
والطايلـه تبقـى لمثلـي رهيـنـه
وان كانهـا كبـر الفضـا والمخايـل
مايظهـر الرجـال كــود بيديـنـه
أبرك واشيل حمول موجـان وشعيـل
وأقوم قومـت مـن جفتـه السكينـه
وان عودت وقفه وصكـت حلاحيـل
لي لابت(ن) مجـد العـرب وارثينـه
ربعي بني خالـد سـوات الهماليـل
وقفاتهـم تحـي العـروق الدفيـنـه
وأمجادهم تشفـي الكبـود المغاليـل
بيض الحبـاري بالحـدب محتمينـه
فالشعـر أمثلهـم وأشـب القناديـل
فـي شاعـر المليـون يامشاهدينـه
وفي الشعر قسمي من خيار المحاصيل
أبهـج وأداري خـطـر مدوريـنـه
أترك خيال(ن) فـي يديـه المحابيـل
يشبـك ويمـلأ بالمعانـي خزيـنـه
وأسبح واغيص بحور وأصب وأكيـل
أسعـى وأنقيلـي نــوادر ثميـنـه
نـوادر(ن) لاعـرضـت للدوالـيـل
تجذب كما نجـر(ن) يجـذاب دنينـه
من شان تبقى في الليالـي المقابيـل
رمز(ن) تذريه الحصـون الحصينـه
والشاعر اللي يمـت البيـرق يخيـل
يقرط على الشفه عقب صـر عينـه
يبغاه لكن دون شلـف(ن) مصاقيـل
من برمجـت الأفكـار بينـه وبينـه
وأن مالقى بيـن الحواجـز مداخيـل
مالله قسـم يرقـى مـع مسلميـنـه
وأن قالهـا الله ياجمـوع المشاكيـل
لأرسي مع الامـواج مثـل السفينـه

تحيــأإأإأإأإأإأإأإأإأإأإأإأإأإأإأإأإأإتيMi!iSS..DUNHi!iLL