سعد بن علوش ,, قصيدة : اللوبي

السلام عليكم

اخليكم مع القصيدة

::::..::::::..::::::::..::::::..::::::..:::::...:: :::..:::...::::....::::

العقل بيت شيوخ والحلـم جاسـوس
النفس يقطـع مـن تركهـا ثوانـي

خذني وطلعنـي ولـو الهـوا كـوس
ابا اتنفـس شي..صـافـي وهاني

داخل تصادم فكـر ومزاحـم نفوس
علـى فتافيـت الغـوى والغـوانـي

في هاللوبي كل شي ضايع ومعكـوس
ماكـن فـي هالكـون رب وامـانـي

اثاثـه الغامـق وتصفيفـة الكـوس
تـدل علـى ذوق راقـي....ودانـي

شفهم وشف كيف الفشل يجعل الروس
اشيا....كماليـه ما بـيـن الاذاني

وشف كيف هذا ثمل ويعثر ويدوس
علـى مسـمـى جــده الأولانــي

وشف كيف هالشايب برغبته محبوس
تحت شعـار ان اخـر العمـر فاني

احس عنده عيله......وبنت عـروس
تخجـل مـن ابوهـا كثيـر وتعاني

وشف هالجمال اللي مدثر ومحيـوس
مثـل الكـلام اللـي بليـا معـانـي

فتاة تعرض جسمها الغـض بفلـوس
ويبيعهـا فاليـوم عشرين زاني

وشف الاثنين هنـاك؟ تراهـم .....
رجال بس رجـال مـن نـوع ثانـي

ضحايا نفط وقـل طاعـه ونامـوس
والام كانـت طيـش والاب اناني

كل الزوايـا طافحـه قبـح ونجـوس
تسبـح وفالركـن الاخيـر الموانـي

واحد يغني وعنـده حثالـة جلـوس
كـأن مافـي هالحيـاة الا اغـانـي

ياوخز قلبي وخزة الجـرح بالمـوس
ياعالـم(ن) مافيـه حلـم وتفـانـي

في هاللوبي مافيـه ريـس ومريـوس
الكـل بايـع نفـس والكـل جاني

والكل عنده عـذر واهـي ومـدروس
لو قلت ليه انت كـذا؟ قـال اعانـي

انا اللي اعاني من القـوس للقـوس
هذا مهـب جـوي ولاهـو بمكانـي

بركض وابي يركض معي الف فانوس
الى صباحـات الغـلا والتهـانـي

روح معي والواقـع احيـاناً كابـوس
وانـا ماحـط اللـوم علـى زمانـي

احمـد ربـي كـل مـا دق ناقـوس
واعرف حدودي واستحي من كيانـي

وأصمت ليا جا للحكي روس وعسوس
واضحك ولو وجهي من البكي حانـي

لو كل شي محسوس بالفعل ملموس
طلعت اخـر جـرح بيـن المحاني

..

مشـرفه المساهمات : 114 تاريخ التسجيل : 25/04/2008

يسلموو قصيدهـ في قمة الروعهـ والكاتب اروع
يشرفني اني اول من يرد على قصيدتكـ
لكـ تحياتي...شيخة ...الزين

» قصيدة ناصر الفراعنه(ناقتي يا ناقتي