اي بالله أخطو والخطا اللي جابهم عين الصواب
مبطي وأنا أشوف الطمع يكشف رداهم واستره
ما يملي عيون الحسود بهالزمن غير التراب
ومن لا يتوب من الخطا تحرم عليه المعذره
اللي من أولها خراب أكيد تاليها خراب
والبندقه اللي ماتصوب في هدفها تذعره
ودك اليا جاتك الغلطه من الناس القراب
الصاحب اللي ما كسبت محبته ما تخسره
مشكلتي أني ماعرفت أحسب لصدتهم حساب
قلدتهم صدري على ذكري قصيد وحنجره
صوت يصول بمنبره وخطاب مابعده خطاب
والطيبه اللي زعزعت صوت الخطيب ومنبره
(( مافيه دمع صوبوه أحبابي بصدري وخاب ))
ولا زرق حزني على غالي ولا فج نحره
كل الزهاب اللي معي ذكرى من أصحاب الزهاب
واللي بقالي من عذاب أشرس طريقي وأخطره
لأني تجنبت الغرق عديت من فوق السحاب
لأن أكثر أصحابي ورق ماشفت للطيب ثمره
والله ما حطيت بين الحقد والخوه حجاب
حتى غدوا ربعي يحدوني على الظيق أشكره
البارحه ثارت علي رقاب وآوتني رقاب
الــبارحه يا ثـــقل دم الـــبـــارح ويا محقره
اهب يا وجه الحسد وشلون جمعهم وغاب
كيف السنين اللي عطتني بعثرتهم بعثره
(( اثر المصايب ما تجيك الا من الناس القراب ))
(( وبهالزمن حتى الخوي اللي تثق فيه أحذره ))
لا بارك الله في رفيق تزعله كلمة عتاب
ولا جمع الله هالرجال اللي تفرقهم مره
قصيدة لـ :حامد زيد
مع تحياتي
الرئيسية 
